സഖാവ്

പാര്‍ട്ടി കോണ്‍ഗ്രസ്‌ : നാട് ഉണരുന്നു..

2011-10-24T00:13:00.002+05:30

സി പി ഐ എമ്മിന്റെ ഇരുപതാമത് പാര്‍ട്ടി കോണ്ഗ്രസ് അടുത്ത വര്ഷം ഏപ്രില്‍ മാസത്തില്‍ കോഴിക്കോട്ടു വെച്ച് നടക്കുന്നു.. നാട്ടിലെങ്ങും അതിന്റെ ഒരുക്കങ്ങള്‍ നടക്കുന്നു.. പാര്‍ട്ടി സമ്മേളനങ്ങള്‍ രണ്ടാം ഘട്ടത്തില്‍ എത്തി നില്‍ക്കുന്നു.. ഒരു ഉണര്‍വ്വ് നാട്ടിലെങ്ങും ദൃശ്യമാണ്..

ശ്രീപദ്മനാഭനും കേരള സര്‍ക്കാരും

2011-09-21T00:43:00.000+05:30

പ്രൊഫ. വി കാര്‍ത്തികേയന്‍നായര്‍ 'ചിന്ത' വാരികയില്‍ എഴുതിയ ലേഖനം:

തിരുവനന്തപുരത്തെ ശ്രീപദ്മനാഭ ക്ഷേത്രത്തിലെ നിധിശേഖരത്തിെന്‍റ കണക്കെടുപ്പു നടത്തി സുപ്രീംകോടതിയെ അറിയിക്കണമെന്നുള്ള ഉത്തരവിെന്‍റ അടിസ്ഥാനത്തില്‍ നിലയറകള്‍ തുറന്നപ്പോള്‍ കണ്ടെത്തിയ ആഭരണങ്ങളുടെയും മറ്റു രത്നക്കല്ലുകളുടെയും വില ഇനിയും തിട്ടപ്പെടുത്തിയിട്ടില്ല. ലോകാത്ഭുതങ്ങളുടെ നിരയിലേക്ക് ഈ ക്ഷേത്രത്തിെന്‍റ നിധിയും എത്തിച്ചേരുകയും ക്ഷേത്രം അങ്ങനെ സാര്‍വദേശീയ പ്രസിദ്ധിയാര്‍ജിക്കുകയും ചെയ്തിരിക്കുന്നു. ഇനിയൊരു നിലയറ തുറക്കാനുള്ളത് പുതിയ ചില പ്രശ്നങ്ങള്‍ ഉണ്ടാക്കുകയും ചെയ്തിരിക്കുന്നു. അതു തുറക്കുന്നതിനെതിരെ തിരുവിതാംകൂര്‍ രാജകുടുംബാംഗം ദേവപ്രശ്നം വയ്പിക്കുകയും നിലയറ തുറക്കാന്‍ പാടില്ലെന്ന് ദേവാജ്ഞ ഉണ്ടായെന്നും പത്രവാര്‍ത്തയുണ്ടായിരുന്നു. ദേവപ്രശ്ന വിധി സുപ്രീംകോടതിയെ അറിയിച്ചപ്പോള്‍ അത് കോടതി വിധിക്കുമുകളിലല്ലായെന്ന് തീര്‍പ്പുകല്‍പിക്കുകയും ചെയ്തു. അതിനാല്‍ തുറക്കാത്ത അറകൂടി തുറന്ന് അതിനുള്ളിലെ പണ്ടങ്ങളുടെ കണക്കെടുപ്പും നടത്താന്‍ ബന്ധപ്പെട്ടവര്‍ നിര്‍ബന്ധിതരായിരിക്കുകയാണ്. പദ്മനാഭ സ്വാമി ക്ഷേത്രത്തിലെ സ്വത്തുവിവരങ്ങളേയും അതുമായി ബന്ധപ്പെട്ട ആചാരങ്ങളേയും സംബന്ധിക്കുന്ന നിരവധി രേഖകളുണ്ട്. അവയാണ് മതിലകം രേഖകള്‍ .

ഇനിയും വെളിച്ചം കാണാത്ത ബഹുശതം രേഖകള്‍ ഉണ്ട്. കുറെ രേഖകള്‍
മഹാകവി ഉള്ളൂര്‍ എസ് പരമേശ്വരയ്യര്‍ എഡിറ്റു ചെയ്ത് 1941ല്‍ "പ്രധാനപ്പെട്ട മതിലകം രേഖകള്‍" എന്ന പേരില്‍ പ്രസിദ്ധീകരിച്ചിട്ടുണ്ട്. അതിെന്‍റ പുതിയ പതിപ്പ് കേരള സര്‍ക്കാരിെന്‍റ പുരാരേഖാ വകുപ്പ് പ്രസിദ്ധീകരിച്ചത് ഇപ്പോള്‍ ലഭ്യമാണ്. ബാക്കി രേഖകള്‍ എവിടെയെങ്കിലും കാണും. ചിലപ്പോള്‍ അത് തുറക്കാത്ത നിലയറക്കകത്തുണ്ടാകാം. ക്ഷേത്രത്തിെന്‍റ ആകെയുള്ള സ്വത്തിെന്‍റ ക്രോഡീകരിച്ച കണക്കും ഉണ്ടായേക്കാം. എന്തായാലും അത് തുറന്ന് കണക്കെടുപ്പു നടക്കുന്നതുവരെ നമുക്ക് ക്ഷമാപൂര്‍വം കാത്തിരിക്കാം. ക്ഷേത്രത്തിെന്‍റ നിലയറകളില്‍നിന്നും കണ്ടെത്തിയ സ്വത്ത് എന്തുചെയ്യണമെന്നതിനെ സംബന്ധിച്ച് വാദകോലാഹലങ്ങള്‍ നടക്കുകയാണ്. അത് ഹിന്ദുക്കള്‍ക്കുമാത്രം അവകാശപ്പെട്ടതാണെന്ന് ഒരു കൂട്ടര്‍ . സര്‍ക്കാര്‍ ഏറ്റെടുത്ത് പാവങ്ങളുടെ ക്ഷേമത്തിനായി വിനിയോഗിക്കണമെന്ന് വേറൊരു കൂട്ടര്‍ . ഒരു മ്യൂസിയം സ്ഥാപിച്ച് അതിനകത്തു സൂക്ഷിക്കണമെന്ന് മറ്റൊരു കൂട്ടര്‍ . ഇത്രയും നാള്‍ അതു കാത്തു സൂക്ഷിച്ച രാജകുടുംബത്തെ പൂവിട്ടു പൂജിക്കണമെന്ന് രാജഭക്തന്മാര്‍ അഭിപ്രായപ്പെടുന്നു. ക്ഷേത്രത്തില്‍നിന്നും സ്വര്‍ണാഭരണങ്ങള്‍ മോഷണം പോകുന്നുണ്ടെന്ന് പ്രതിപക്ഷ നേതാവ് പറയുന്നു. പ്രതിപക്ഷ നേതാവ് അങ്ങനെ പറഞ്ഞത് മഹാപരാധമായിപ്പോയെന്ന് വിശ്വാസികളുടെ പേരില്‍ ചിലര്‍ കുറ്റപ്പെടുത്തുന്നു. ഇതൊന്നുമറിയാതെ ശ്രീപദ്മനാഭന്‍ അനന്തശയനം തുടരുന്നു. എട്ടരയോഗം പദ്മനാഭസ്വാമി ക്ഷേത്രത്തിലെ ഭരണസമിതിയുടെ പേരാണ് എട്ടരയോഗം. ആകെ ഒമ്പതംഗങ്ങളുള്ള സമിതിയില്‍ ഒരംഗത്തിന് പൂര്‍ണാവകാശമില്ല. അത് തൃപ്പാപ്പൂര്‍ മൂത്ത തിരുവടി എന്നറിയപ്പെട്ടിരുന്ന വേണാട് രാജാവിനാണ്. (കോഴിക്കോട്ടെ പതിനെട്ടരക്കവികളില്‍ മലയാളകവിക്ക് അരപ്പട്ടം മാത്രമേ ഉണ്ടായിരുന്നുള്ളൂ). പൂര്‍ണാധികാരമുള്ള മറ്റ് എട്ടുപേരില്‍ ഏഴുപേര്‍ പോറ്റിമാരും (ബ്രാഹ്മണര്‍) ഒരാള്‍ നായര്‍ പ്രമാണിയുമാണ്. കൂവക്കര, അത്തിയറ, കൊല്ലൂര്‍ , മുട്ടവിള, നെയ്താശ്ശേരി, കറുവ, ശ്രീകാര്യാട്ട് എന്നിവരാണ് പോറ്റിമാര്‍ . പള്ളിയാടി കരണാട്ട് കുറുപ്പാണ് നായര്‍ പ്രമാണി. ഈ എട്ടുപേരേക്കാള്‍ കുറഞ്ഞ സ്ഥാനം മാത്രമേ വേണാട്ടരചന് ഉണ്ടായിരുന്നുള്ളൂ. പോറ്റിമാരുടെ താമസസ്ഥലം മഠം എന്ന പേരിലാണ് അറിയപ്പെട്ടിരുന്നത്. ക്ഷേത്രം വക ഭൂസ്വത്തുക്കള്‍ കൈവശം വച്ച് കൃഷി ചെയ്ത് ക്ഷേത്രച്ചെലവിലേക്കായി നല്‍കിയിരുന്നത് എട്ടുവീട്ടില്‍ പിള്ളമാര്‍ എന്ന മാടമ്പിമാരായിരുന്നു. ക്ഷേത്രത്തിലേയ്ക്ക് തൃപ്പാപ്പൂര്‍ സ്വരൂപവും മറ്റ് നാടുവാഴികളും ഭൂമി ദാനം ചെയ്തതിെന്‍റ വിവരങ്ങള്‍ മതിലകം രേഖകളിലുണ്ട്.

ആറ്റിങ്ങല്‍ സ്വരൂപം, ഇളയിടത്തു സ്വരൂപം, പേരയത്തു സ്വരൂപം എന്നിങ്ങനെ രാജകുടുംബവുമായി ബന്ധപ്പെട്ട നിരവധി ശാഖകള്‍ കാലാകാലങ്ങളില്‍ ക്ഷേത്രത്തിലേക്ക് ഭൂമിയും മറ്റു പണ്ടങ്ങളും ദാനം ചെയ്തിട്ടുണ്ട്. ചിറയിന്‍കീഴ്, നെടുമങ്ങാട്, തിരുവനന്തപുരം, നെയ്യാറ്റിന്‍കര, വിളവന്‍കോട്, കല്‍കുളം, തോവാള, അഗസ്തീശ്വരം എന്നീ താലൂക്കുകളിലായി ആയിരക്കണക്കിനേക്കര്‍ നിലവും പുരയിടവും ഈ ദാനപ്പട്ടികയില്‍പ്പെടുന്നു. അനുസരണക്കേട്, മോഷണം മുതലായ കുറ്റകൃത്യങ്ങള്‍ ചെയ്യുന്ന ക്ഷേത്ര ജീവനക്കാരെ രാജാവ് ശിക്ഷിച്ചാല്‍ അതിന് രാജാവ് പ്രായശ്ചിത്തം ചെയ്യണമെന്ന് യോഗക്കാര്‍ (എട്ടരയോഗം) വിധിക്കുകയും ആയിനത്തില്‍ കൂടുതല്‍ ഭൂമിയും പണ്ടങ്ങളും ക്ഷേത്രത്തിലേക്ക് മുതല്‍കൂട്ടുകയും ചെയ്യുമായിരുന്നു. അതിനെ എതിര്‍ക്കാന്‍ രാജാവിന് ശക്തിയില്ലായിരുന്നു. ക്ഷേത്രം വക ഭൂമിയും (ദേവസ്വം) എട്ടരയോഗത്തിലെ പോറ്റിമാരുടെ ഭൂസ്വത്തും (ബ്രഹ്മസ്വം) കൈവശംവച്ച് കൃഷി ചെയ്തിരുന്നത് എട്ടുവീട്ടില്‍ പിള്ളമാര്‍ എന്ന നായര്‍ പ്രമാണിമാരായിരുന്നു. അവരും യോഗക്കാരും കൂടിച്ചേരുന്ന സഖ്യമാണ് രാജാവിനെ നിയന്ത്രിച്ചിരുന്നത്. ഈ നിയന്ത്രണം അതിരുവിട്ട് രാജാവിനെ വകവരുത്താനുള്ള ശ്രമം നടന്നപ്പോഴാണ് തിരുവിതാംകൂറിെന്‍റ സ്ഥാപകനെന്നറിയപ്പെടുന്ന മാര്‍ത്താണ്ഡവര്‍മ്മ പിള്ളമാരേയും മാടമ്പിമാരേയും അടിച്ചമര്‍ത്തി കൊല ചെയ്ത് രാജാധികാരം പുനഃസ്ഥാപിച്ചത്. പിള്ളമാരെ കഴുവേറ്റുകയും അവരുടെ സ്ത്രീകളേയും കുട്ടികളേയും തുറയേറ്റുകയും (മുക്കുവര്‍ക്ക് വിറ്റു) ചെയ്തു. ഗൂഢാലോചനയില്‍ നേരിട്ടു പങ്കെടുത്ത നാലു പോറ്റിമാരെ ജാതിഭ്രഷ്ട് കല്‍പിച്ച് രാജ്യത്തുനിന്നും നാടുകടത്തി. തുടര്‍ന്നങ്ങോട്ട് മാര്‍ത്താണ്ഡവര്‍മ നടത്തിയ ആക്രമണ പരമ്പരകളാണ് ഇന്നത്തെ കന്യാകുമാരി, തിരുവനന്തപുരം ജില്ലകളില്‍ മാത്രമായി ഒതുങ്ങിനിന്നിരുന്ന വേണാട് എന്ന ചെറിയ രാജ്യം ആലുവാപ്പുഴവരെ വ്യാപിച്ച തിരുവിതാംകൂര്‍ ആയിത്തീര്‍ന്നത്. രക്തപങ്കിലമായ ഈ പടയോട്ടത്തിെന്‍റ ഒടുവില്‍ മാര്‍ത്താണ്ഡവര്‍മ തിരുവിതാംകൂറിനെ തെന്‍റ കുലദൈവമായ ശ്രീപദ്മനാഭന് സമര്‍പ്പിച്ചു. അങ്ങനെ രാജാവ് പദ്മനാഭദാസനായി. ദക്ഷിണേന്ത്യയിലെ മറ്റു പല രാജാക്കന്മാരും ഇത്തരത്തില്‍ രാജ്യത്തെ കുലദൈവത്തിന് അടിയറവെച്ചിട്ടുണ്ട്. ചോളരാജാക്കന്മാര്‍ തങ്ങളുടെ രാജ്യത്തെ തഞ്ചാവൂരിലെ ബൃഹദേശ്വര ക്ഷേത്രത്തിന് അടിയറവച്ച മുന്നനുഭവവുമുണ്ട്. മാര്‍ത്താണ്ഡവര്‍മയുടെ ഈ പ്രവൃത്തി "തൃപ്പടിദാനം" എന്ന പേരിലാണ് അറിയപ്പെട്ടത്. ഒരു രാജ്യത്തെ ഒന്നാകെ ദേവന് അടിയറ വച്ച സംഭവം ഫ്യൂഡല്‍ ശക്തികളുമായി ഒത്തുതീര്‍പ്പുണ്ടാക്കിയതാണ് എന്നാണ് പി കെ ഗോപാലകൃഷ്ണന്‍ തെന്‍റ "കേരളത്തിെന്‍റ സാംസ്കാരിക ചരിത്രം" എന്ന കൃതിയില്‍ പറയുന്നത്. ജാതി മേധാവികളുടെയും ഭൂസ്വാമിമാരുടെയും പിന്‍ബലത്താല്‍ നിലനില്‍ക്കുന്ന ഒരു ഭരണകൂടത്തിന് അന്ന് അങ്ങനെയേ ചെയ്യാനാവുകയുള്ളൂ. എന്നാല്‍ അതിനപ്പുറം ഇതിലൊരു രാഷ്ട്രീയ തന്ത്രമുണ്ട്. അതുവഴി രാജഭരണത്തിനെതിരെ വെല്ലുവിളി ഉയര്‍ത്തുന്നവരെ രാജ്യദ്രോഹികളെന്നു മാത്രമല്ല ദൈവദ്രോഹികളെന്നു കൂടി മുദ്രകുത്തി ശിക്ഷിക്കാന്‍ എളുപ്പമായിരുന്നു. ഈശ്വര കോപം ഭയന്ന് ആരും അതിന് മുതിരുകയില്ലെന്ന് ഉറപ്പുവരുത്തുക കൂടിയായിരുന്നു മാര്‍ത്താണ്ഡവര്‍മ്മ. രാജാവിന് ക്ഷത്രിയ പദവി ലഭിക്കുന്നതിനുവേണ്ടി നടത്തിയ ആചാരമാണ് ഹിരണ്യഗര്‍ഭഹോമം. സ്വര്‍ണം കൊണ്ടുണ്ടാക്കിയ ഒരു വലിയ കലത്തില്‍ രാജാവ് ഇറങ്ങിയിരിക്കുകയും ബ്രാഹ്മണര്‍ പൂജാദിദ്രവ്യങ്ങള്‍ തളിച്ച് മന്ത്രം ജപിച്ച് ക്ഷത്രിയ പദവി നല്‍കുകയും ചെയ്യും. ഇന്ന് ചെയ്യുന്നതുപോലുള്ള സത്യപ്രതിജ്ഞാ ചടങ്ങ്. ഹോമത്തിനുശേഷം ആ സ്വര്‍ണക്കലം അടിച്ചുടച്ച് ബ്രാഹ്മണര്‍ക്ക് ദാനം ചെയ്യുമായിരുന്നു. ഇത്തരത്തില്‍ രാഷ്ട്രീയാധികാരം സ്ഥാപിച്ചു കിട്ടിയെങ്കിലും ക്ഷേത്രഭരണത്തില്‍ രാജാവ് ഇടപെട്ടിരുന്നില്ല. ഭരണത്തലവന്‍ എന്ന നിലയ്ക്ക് എട്ടരയോഗത്തില്‍ അംഗമായിത്തുടര്‍ന്നു. രാജ്യം പദ്മനാഭന് അടിയറ വച്ചതിനാല്‍ ആറാട്ട് എഴുന്നള്ളിപ്പുപോലുള്ള ഉല്‍സവങ്ങളില്‍ ഭരണകൂടത്തിെന്‍റ എല്ലാവിധ സഹായങ്ങളും ചെയ്തുകൊടുത്തിരുന്നു. രാഷ്ട്രത്തലവന്‍ എന്ന നിലയ്ക്ക് രാജാവാണ് ആറാട്ട് ഘോഷയാത്രയെ നയിച്ചിരുന്നത്. ആനപ്പട, കുതിരപ്പട, കാലാള്‍പ്പട എന്നിവ അകമ്പടി സേവിച്ചിരുന്നു. കേരളത്തിലെ മറ്റൊരു ക്ഷേത്രത്തിലും ഇത്തരത്തില്‍ ഭരണകൂടം നേരിട്ട് ഇടപെട്ട് ഉല്‍സവം നടത്തുന്നില്ല. ദേവസ്വംബോര്‍ഡിെന്‍റ കീഴിലുള്ള ക്ഷേത്രങ്ങളില്‍ ദേവസ്വം ഉദ്യോഗസ്ഥന്മാര്‍ പങ്കെടുക്കാറുണ്ട്. അവിടെ ഭരണത്തലവന്‍ പങ്കെടുക്കേണ്ടതില്ല. തിരുവിതാംകൂര്‍ എന്ന രാഷ്ട്രം പലപ്പോഴും സാമ്പത്തിക പ്രതിസന്ധിയിലകപ്പെട്ടപ്പോള്‍ എട്ടരയോഗത്തോട് സാമ്പത്തിക സഹായം അഭ്യര്‍ത്ഥിച്ചിരുന്നു. ക്ഷേത്ര വരുമാനത്തില്‍നിന്നും കടം ചോദിച്ചിരുന്നുവെന്ന് സാരം. രാജ്യവിസ്തൃതി വര്‍ദ്ധിച്ചപ്പോള്‍ സൈനികച്ചെലവ് കൂടി. അയല്‍രാജ്യങ്ങളില്‍നിന്നും സൈനിക സഹായം (മറവപ്പട) സ്വീകരിക്കുകയും അവര്‍ക്ക് പണം നല്‍കുകയും വേണമായിരുന്നു. പിന്നീട് ബ്രിട്ടീഷുകാരുമായി സഖ്യമുണ്ടാക്കിയപ്പോള്‍ അവര്‍ക്കും കപ്പം കൊടുക്കണമായിരുന്നു. ഇത്തരത്തില്‍ സാമ്പത്തിക പ്രതിസന്ധി നേരിട്ടപ്പോഴാണ് രാജാവ് യോഗക്കാരോട് പണം കടം ചോദിച്ചത്. യോഗക്കാര്‍ അത് നല്‍കാതെ ഭരണകൂടത്തെ ധിക്കരിക്കുക തന്നെ ചെയ്തു. നാഗര്‍കോവില്‍ , കോട്ടാര്‍ , ആലപ്പുഴ, കൊല്ലം തുടങ്ങിയ പട്ടണങ്ങളിലെ കച്ചവടക്കാരില്‍നിന്നും കടംവാങ്ങി രാജാവ് രാജ്യച്ചെലവ് നിര്‍വഹിച്ചതിെന്‍റ നിരവധി രേഖകള്‍ ലഭ്യമാണ്. ക്ഷേത്രഭണ്ഡാരത്തിലും നിലവറകളിലും പണവും സ്വര്‍ണവും മറ്റു പണ്ടങ്ങളും ആവശ്യത്തിലേറെ ഉണ്ടായിരുന്നിട്ടും രാജ്യത്തിന് അത് പ്രയോജനപ്പെട്ടില്ല. ഈ സ്വത്തുവകകളില്‍ നല്ലൊരു പങ്ക് കാലാകാലങ്ങളില്‍ തൃപ്പാപ്പൂര്‍ തിരുവടികളും മറ്റ് സ്വരൂപങ്ങളും ദാനം ചെയ്തതാണെന്ന കാര്യം യോഗക്കാര്‍ മറന്നുപോയി. യോഗക്കാര്‍ക്കുള്ള ഭൂസ്വത്തുക്കള്‍പോലും ഇത്തരം സ്വരൂപങ്ങള്‍ ദാനംചെയ്തതാണെന്ന കാര്യവും അവര്‍ മറന്നുപോയി. രാജാക്കന്മാരും ഭക്തജനങ്ങളും ഇത്തരത്തില്‍ ക്ഷേത്രങ്ങള്‍ക്ക് ദാനം ചെയ്യുന്ന സ്വത്ത് രാജ്യാവശ്യത്തിനായി വിനിയോഗിക്കാം എന്നതിന് ചരിത്രത്തില്‍ തെളിവുകളുണ്ട്. "രാജതരംഗിണി"യുടെ കര്‍ത്താവായ കല്‍ഹണന്‍ അത്തരത്തില്‍ ഒരു സംഭവം വിവരിക്കുന്നുണ്ട്. കശ്മീര്‍ രാജാവായ വിക്രമാംഗദേവന്‍ "ക്ഷേത്രോല്‍ഭവന്മാര്‍" എന്ന ഉദ്യോഗസ്ഥന്മാരെ നിയോഗിച്ച് ക്ഷേത്ര ഭണ്ഡാരങ്ങളില്‍നിന്നും സ്വത്ത് കവര്‍ന്നെടുത്ത് നിരത്തുകളും തോടുകളും പണിത് ജനസേവനം ചെയ്തതായിട്ടാണ് കല്‍ഹണന്‍ പറയുന്നത്. ഇംഗ്ലണ്ടിലെ രാജാവായിരുന്ന ഹെന്‍റി എട്ടാമന്‍ കത്തോലിക്കാ സന്യാസിമഠങ്ങളുടെ ഭൂസ്വത്തുക്കള്‍ കണ്ടുകെട്ടി അതില്‍നിന്നുള്ള പണംകൊണ്ട് നാവികപ്പട നിര്‍മിച്ചു. ആ നാവികപ്പടയാണ് അദ്ദേഹത്തിെന്‍റ പുത്രി എലിസബത്ത് രാജ്ഞിയുടെ കാലത്ത് ഭൂദൂരങ്ങളും ജലദൂരങ്ങളും താണ്ടി ഇന്ത്യയിലെത്തിയതും പിന്നീട് ഇന്ത്യയെ കോളനിയാക്കിയതും. അടിയാളെന്‍റ അധ്വാനമിച്ചം മുന്‍പു പറഞ്ഞപ്രകാരം സമ്പാദിച്ച പദ്മനാഭസ്വാമിക്ഷേത്രത്തിെന്‍റയും യോഗക്കാരായ പോറ്റിമാരുടെയും നിലങ്ങളും പുരയിടങ്ങളും കൃഷി ചെയ്തിരുന്നതാര്? പ്രതിഫലം പറ്റാതെ കൃഷിപ്പണി ചെയ്തിരുന്നത് പുലയര്‍ , പറയര്‍ , കുറവര്‍ , ചാന്നാര്‍ തുടങ്ങിയ അടിയാള വിഭാഗമായിരുന്നു. അവരുടെ അധ്വാനം "ഊഴിയവേല" എന്നാണറിയപ്പെട്ടിരുന്നത്. അവരെയൊക്കെ അടിമകളാക്കി വില്‍ക്കാനും ജന്മിമാര്‍ക്ക് അധികാരമുണ്ടായിരുന്നു. പത്തൊമ്പതാം നൂറ്റാണ്ടിെന്‍റ മദ്ധ്യത്തോടുകൂടിയാണ് അടിമക്കച്ചവടം തിരുവിതാംകൂറില്‍ നിറുത്തല്‍ ചെയ്തത്. എന്നാല്‍ , അതിനുശേഷവും കച്ചവടം നടന്നിരുന്നതിന് തെളിവുകളുണ്ട്. മേല്‍പ്പറഞ്ഞ ജാതിക്കാര്‍ വയലുകളില്‍ വിളയിച്ചെടുത്ത നെല്ലാണ് ക്ഷേത്ര ഭണ്ഡാരത്തിലേക്കും മഠങ്ങളുടെ നെല്‍പുരകളിലേക്കും എത്തിയിരുന്നത്. നായര്‍ പ്രമാണിമാരും ആഢ്യബ്രാഹ്മണന്മാരും ചെളിയിലിറങ്ങിയിട്ടില്ല. തെങ്ങില്‍ കയറിയിട്ടില്ല. കരിമ്പ് അരച്ച് നീരെടുത്ത് വറ്റിച്ച് ശര്‍ക്കരയുണ്ടാക്കിയിട്ടില്ല. ഒരു പോറ്റിയും പശുവിനെ പോറ്റിയിട്ടില്ല. പാലു കറന്നിട്ടില്ല, നെയ്യുണ്ടാക്കിയിട്ടില്ല. അരിയും നാളികേരവും വെളിച്ചെണ്ണയും ശര്‍ക്കരയും പാലും നെയ്യും വാഴയിലയും വാഴപ്പഴവും ക്ഷേത്രത്തിലെ പൂജക്കായി ഉണ്ടാക്കിയിരുന്നത് അടിയാളനായിരുന്നു. അവര്‍ക്കാകട്ടെ ക്ഷേത്രത്തില്‍ പ്രവേശനവുമില്ലായിരുന്നു. മേല്‍പറഞ്ഞ അടിയാള ജാതിയില്‍പ്പെട്ട നിരവധിപേര്‍ പിന്നീട് ക്രിസ്തുമതത്തില്‍ ചേര്‍ന്നു. അപ്പോഴും അവര്‍ കര്‍ഷക അടിയാളെന്‍റ പണിചെയ്തിരുന്നു. ക്രിസ്ത്യാനികളായാലും അവര്‍ ഊഴിയവേല ചെയ്യണമെന്നു മാത്രമേ ജന്മിമാര്‍ നിഷ്കര്‍ഷിച്ചിരുന്നുള്ളൂ. അതു ചെയ്യാത്തതിെന്‍റ പേരില്‍ അവര്‍ക്ക് മര്‍ദ്ദനങ്ങളും മറ്റു പീഡനങ്ങളുമേല്‍ക്കേണ്ടതായി വരികയും ചെയ്തു. മതഭേദമെന്യേ ഈ അടിയാള വിഭാഗം അധ്വാനിച്ചുണ്ടാക്കിയ സമ്പത്തുകൊണ്ടാണ് ശ്രീ പദ്മനാഭെന്‍റ നിത്യപൂജ നടന്നിരുന്നതും നിലവറകള്‍ നിറച്ചിരുന്നതും. ഒരു രാജാവിെന്‍റയും പ്രഭുവിെന്‍റയും വിയര്‍പ്പിെന്‍റ നാറ്റം ഈ സമ്പത്തിലില്ലായിരുന്നു. അടിയാളെന്‍റ വിയര്‍പ്പിെന്‍റ മണം അതിലുണ്ടുതാനും. അതിനാല്‍ ഒരു രാജാവും അതിെന്‍റ അവകാശിയായി അവതരിക്കേണ്ടതില്ല. തിരുവിതാംകൂറും ബ്രിട്ടീഷുകാരും ഇന്ത്യയിലെ ഇതര നാട്ടുരാജ്യങ്ങളെയെന്നപോലെ തിരുവിതാംകൂറിനേയും ബ്രിട്ടീഷുകാര്‍ തങ്ങളുടെ വരുതിയിലാക്കി. വേലുത്തമ്പിയുടെ കലാപത്തെ അടിച്ചമര്‍ത്തി. ഭീമമായ കപ്പം രാജ്യത്തിനുമേല്‍ അടിച്ചേല്‍പിച്ചു. രാജാവായിരുന്ന ബാലരാമവര്‍മ അന്തരിച്ചപ്പോള്‍ യുവരാജാവായിരുന്ന കേരളവര്‍മക്ക് രാജ്യാവകാശം നല്‍കിയില്ല. കാരണം അദ്ദേഹം വേലുത്തമ്പിയോട് അനുഭാവമുള്ളയാളായിരുന്നു. പകരം മാവേലിക്കര കൊട്ടാരത്തില്‍നിന്ന് രണ്ട് കുമാരിമാരെ ദത്തെടുത്തു. കേരളവര്‍മയെ തമിഴ്നാട്ടിലെ ചിങ്കല്‍പ്പെട്ടില്‍ വീട്ടുതടങ്കലില്‍ പാര്‍പ്പിച്ചു. രാജ്യഭരണം നിയന്ത്രിക്കാനായി കേണല്‍ മണ്‍റോയെ റസിഡന്‍റായും ദിവാനായും നിയമിച്ചു. ഇത്തരത്തിലുള്ള നിയന്ത്രണം സ്വാതി തിരുനാളിെന്‍റ ഭരണാന്ത്യംവരെ തുടര്‍ന്നു. ബ്രിട്ടീഷുകാരുടെ ഇടപെടലില്‍ സ്വാതിതിരുനാള്‍ അസ്വസ്ഥനായിരുന്നു. എന്നാല്‍ അദ്ദേഹത്തിെന്‍റ പിന്‍ഗാമിയായി വന്ന ഉത്രം തിരുനാള്‍ മാര്‍ത്താണ്ഡവര്‍മ പൂര്‍ണമായും ബ്രിട്ടീഷ് ദാസനായിരുന്നു. 1857ല്‍ നടന്ന ബ്രിട്ടീഷ് വിരുദ്ധ കലാപം (ഒന്നാം സ്വാതന്ത്ര്യസമരം) എത്രയും പെട്ടെന്ന് അടിച്ചമര്‍ത്തണമെന്ന് അദ്ദേഹം മദ്രാസ് ഗവര്‍ണര്‍ വഴി ബ്രിട്ടീഷ് സര്‍ക്കാരിനോട് അഭ്യര്‍ത്ഥിച്ചു. 1858 ജൂണില്‍ കലാപം പൂര്‍ണമായി അടിച്ചമര്‍ത്തപ്പെട്ടപ്പോള്‍ അതില്‍ ആശ്വസിക്കുകയും ആഹ്ലാദിക്കുകയും ചെയ്തു അദ്ദേഹം. അപ്പോഴും അദ്ദേഹം ബ്രിട്ടീഷ് സര്‍ക്കാരിന് കത്തയച്ചു. "പദ്മനാഭന്‍ കാത്തു" എന്നാണാ കത്തില്‍ പറഞ്ഞിരിക്കുന്നത്. ഇത്തരത്തില്‍ ബ്രിട്ടീഷ് സര്‍ക്കാരിനോട് ദാസ്യവേല ചെയ്തതില്‍ പ്രീതരായിട്ടാണ് 1866ല്‍ ആയില്യം തിരുനാളിെന്‍റ കാലത്ത് തിരുവിതാംകൂര്‍ രാജാവിന് "മഹാരാജാവ്" എന്ന പട്ടം (ശേഹേല) കിട്ടിയത്. 1947ല്‍ ഇന്ത്യ സ്വതന്ത്രയായപ്പോള്‍ നാട്ടുരാജ്യങ്ങള്‍ ഇന്ത്യന്‍ യൂണിയനില്‍ ലയിച്ചു. മുന്‍ രാജാക്കന്മാര്‍ക്കു നല്‍കിയ പെന്‍ഷെന്‍റ പേരായിരുന്നു പ്രിവിപഴ്സ്. 1971ല്‍ പ്രിവിപഴ്സ് നിറുത്തലാക്കി. അതേവര്‍ഷം തന്നെ മറ്റൊരു നിയമനിര്‍മാണത്തിലൂടെ പാര്‍ലമെന്‍റ് മുന്‍നാട്ടുരാജ്യങ്ങളിലെ ഭരണാധികാരികള്‍ തങ്ങളുടെ മുന്‍കാല സ്ഥാനമാനങ്ങളോ ബ്രിട്ടീഷ് സര്‍ക്കാര്‍ നല്‍കിയ സ്ഥാനപ്പേരുകളോ സ്ഥാനചിഹ്നങ്ങളോ ഉപയോഗിക്കാന്‍ പാടില്ലായെന്ന് നിര്‍ദ്ദേശിക്കുകയും ചെയ്തു. അതിനാല്‍ മഹാരാജാവ് എന്ന പദവി ഉപയോഗിക്കുന്നയാളും അങ്ങിനെ വിളിക്കുന്നയാളും ശിക്ഷാര്‍ഹരാകും. രാജാധിപത്യം പോയതും ജനാധിപത്യം വന്നതും പലര്‍ക്കും ബോധത്തില്‍നിന്നും തൂത്തുകളയാന്‍ ഇപ്പോഴും സാധിക്കുന്നില്ല. ലയനക്കരാര്‍ ഇന്ത്യക്ക് പരമാധികാരം നല്‍കുന്നതിനുവേണ്ടി ബ്രിട്ടീഷ് പാര്‍ലമെന്‍റ് പാസ്സാക്കിയ നിയമമാണ് ഇന്ത്യന്‍ സ്വാതന്ത്ര്യനിയമം. അതിന്‍പ്രകാരം ബ്രിട്ടീഷുകാര്‍ നേരിട്ടു ഭരിച്ചിരുന്ന പ്രവിശ്യകള്‍ പുതുതായി രൂപീകരിച്ചിട്ടുള്ള ഭരണഘടനാ നിര്‍മാണസഭയുടെ നിയന്ത്രണത്തിലാകും. ഭരണത്തലവനായി ഗവര്‍ണര്‍ ജനറല്‍ തുടരും. (ബ്രിട്ടീഷുകാരനായ മൗണ്ട് ബാറ്റനും ഇന്ത്യക്കാരനായ സി രാജഗോപാലാചാരിയും ആ പദവി വഹിച്ചിരുന്നു). ബ്രിട്ടീഷ് സര്‍ക്കാരിെന്‍റ മേല്‍ക്കോയ്മ അംഗീകരിച്ചിരുന്ന നാട്ടുരാജ്യങ്ങള്‍ക്ക് പരമാധികാരം തിരിച്ചുകിട്ടും. അവര്‍ക്ക് ഇന്ത്യയിലോ പാകിസ്ഥാനിലോ ലയിക്കുകയോ സ്വതന്ത്രമായി നില്‍ക്കുകയോ ചെയ്യാം. ഇന്ത്യന്‍ യൂണിയനില്‍ ചേരാന്‍ തീരുമാനിക്കുന്ന നാട്ടുരാജ്യങ്ങള്‍ അംഗീകരിക്കേണ്ട ഒരു ലയനക്കരാര്‍ (കിെേൃൗാലിേ ീള അരരലശൈീി) കേന്ദ്ര സര്‍ക്കാര്‍ തയ്യാറാക്കിയിരുന്നു. അതിന്‍പ്രകാരം യൂണിയനില്‍ ലയിക്കുന്ന നാട്ടുരാജ്യങ്ങളിലെ ഭരണാധികാരികള്‍ക്ക് മുമ്പുണ്ടായിരുന്ന എല്ലാ അവകാശാധികാരങ്ങളും നഷ്ടമാകും. പട്ടിണികൂടാതെ കഴിഞ്ഞുകൂടുന്നതിനുവേണ്ടി നല്‍കിയ പെന്‍ഷന്‍ ആയിരുന്നു പ്രിവിപഴ്സ്. അവര്‍ക്കു താല്‍പര്യമുണ്ടെങ്കില്‍ കേന്ദ്രസര്‍ക്കാര്‍ അവരെ രാജപ്രമുഖന്മാരായി നിയമിക്കും. (ഗവര്‍ണറെ നിയമിക്കുന്നതുപോലെ). തിരുവിതാംകൂര്‍ സ്വതന്ത്രമായി നില്‍ക്കാന്‍ തീരുമാനിച്ചതിന്റെയും പിന്നീട് ഇന്ത്യന്‍ യൂണിയനില്‍ ലയിക്കാന്‍ തീരുമാനിച്ചതിെന്‍റയും ചരിത്രം ഇവിടെ വിസ്തരിക്കുന്നില്ല. തിരുവിതാംകൂര്‍ മഹാരാജാവ് ബാലരാമവര്‍മ്മ ലയനക്കരാര്‍ ഒപ്പിട്ടു. അങ്ങനെ ഒരു സ്വതന്ത്രരാജ്യം ഇന്ത്യയിലെ ഒരു സംസ്ഥാനമായി മാറി. ബാലരാമവര്‍മ്മയെ രാജപ്രമുഖനായി കേന്ദ്ര സര്‍ക്കാര്‍ നിയമിച്ചു. തിരുകൊച്ചി സംയോജനത്തിനുശേഷവും അദ്ദേഹം രാജപ്രമുഖനായി തുടര്‍ന്നു. ഭാഷാടിസ്ഥാനത്തില്‍ സംസ്ഥാനങ്ങള്‍ രൂപീകൃതമായതിനെ ത്തുടര്‍ന്ന് 1956 നവംബര്‍ 1ന് രാജപ്രമുഖ സ്ഥാനം ഇല്ലാതാവുകയും പുതിയ ഗവര്‍ണര്‍ അധികാരമേല്‍ക്കുകയും ചെയ്തു. ലയനക്കരാര്‍ ഒപ്പിട്ട് തിരുവിതാംകൂര്‍ ഇന്ത്യന്‍ യൂണിയനില്‍ ലയിച്ചതോടു കൂടി മുമ്പ് ആ രാജ്യത്തിനുണ്ടായിരുന്ന എല്ലാവിധ സ്ഥാവരജംഗമസ്വത്തുക്കളും രാഷ്ട്രത്തിെന്‍റ വകയായി. രാജാവിനും അദ്ദേഹത്തിെന്‍റ ബന്ധുക്കള്‍ക്കും ഉണ്ടായിരുന്ന വ്യക്തിപരമായ സ്വത്തുക്കള്‍ മാത്രമേ അവര്‍ക്കെടുക്കാന്‍ അധികാരമുണ്ടായിരുന്നുള്ളൂ. സ്വാതന്ത്ര്യലബ്ധിക്കുമുമ്പുതന്നെ റീജന്‍റ് റാണിയടക്കമുള്ള രാജകുടുംബാംഗങ്ങള്‍ മൈസൂരില്‍ (ഇന്നത്തെ കര്‍ണാടകം) തോട്ടങ്ങള്‍ വാങ്ങുകയും വ്യവസായങ്ങള്‍ തുടങ്ങുകയും ചെയ്തിരുന്നു. ഇപ്പോള്‍ മഹാരാജാവ് എന്ന് സ്വയം വിശേഷിപ്പിക്കുന്ന ഉത്രാടം തിരുനാള്‍ മാര്‍ത്താണ്ഡവര്‍മയ്ക്കും അവിടെ തോട്ടങ്ങളും ബിസിനസ്സുമുണ്ട്. കേരള ഭൂപരിഷ്കാര നിയമപ്രകാരം മിച്ചഭൂമിയായിത്തീര്‍ന്ന രാജകുടുംബം വക പൂജപ്പുരയിലെ മുടവന്‍മുകള്‍ കൊട്ടാരവളപ്പില്‍ എ കെജി ചാടിക്കയറി കൊടിനാട്ടിയതിെന്‍റ ചരിത്രം എല്ലാവര്‍ക്കുമറിയാവുന്നതാണ്. പദ്മനാഭസ്വാമി ക്ഷേത്രത്തിലെ ഭരണസമിതിയായ എട്ടരയോഗത്തിലെ അരപ്പട്ടത്തിെന്‍റ ഉടമയായ തിരുവിതാംകൂര്‍ രാജാവ് രാഷ്ട്രത്തലവനെന്ന നിലയ്ക്കായിരുന്നു ആറാട്ടിന് സായുധസേനയുമായി അകമ്പടി സേവിച്ചിരുന്നത്. ബാലരാമവര്‍മ്മ രാജപ്രമുഖനെന്ന പദവി വഹിച്ചിരുന്നതുകൊണ്ടാണ് 1956വരെ അത്തരത്തിലുള്ള ഉത്തരവാദിത്വം നിറവേറ്റിയിരുന്നത്. അതിനുശേഷം അദ്ദേഹത്തിെന്‍റ സ്ഥാനത്തെത്തിയ കേരളാ ഗവര്‍ണര്‍ ആയിരുന്നു ഉടവാളുമേന്തി ആറാട്ടിന് അകമ്പടി സേവിക്കേണ്ടിയിരുന്നത്. ഭരണഘടന പ്രകാരം ഇന്ത്യ മതനിരപേക്ഷ രാഷ്ട്രമായതിനാല്‍ ഗവര്‍ണര്‍ക്ക് അത്തരം കൃത്യങ്ങള്‍ നിര്‍വഹിക്കാന്‍ പാടില്ല. അതുകൊണ്ടുതന്നെ പോലീസ് സേനയേയും അകമ്പടിക്കായി നിയോഗിക്കാന്‍ പാടില്ല. ക്രമസമാധാനപാലനത്തില്‍ മാത്രമാകണം പോലീസിെന്‍റ ശ്രദ്ധ. ക്രിസ്ത്യാനികളും മുസ്ലീങ്ങളും ഈശ്വരവിശ്വാസമില്ലാത്തവരുമായ പോലീസുകാര്‍ ഉണ്ടാകും. അവരെ ക്ഷേത്രാചാരപ്രകാരം വിഗ്രഹങ്ങള്‍ക്ക് അകമ്പടി സേവിക്കാന്‍ നിയോഗിക്കാന്‍ പറ്റില്ല.

ഹിന്ദുക്കളായ പോലീസുകാരെ തെരഞ്ഞെടുത്ത് നിയോഗിക്കാമെന്നുവച്ചാല്‍ അതും ഭരണഘടനാവിരുദ്ധമാകും. ഹിന്ദുവെന്നും മുസ്ലീമെന്നും ക്രിസ്ത്യാനിയെന്നും പോലീസുകാരെ മാത്രമല്ല മറ്റുസര്‍ക്കാര്‍ ജീവനക്കാരേയും തരംതിരിക്കുന്നത്നിയമവിരുദ്ധമാണ്. അതിനാല്‍ പദ്മനാഭസ്വാമി ക്ഷേത്രത്തിലെ ആറാട്ടിനുള്ള പോലീസ് അകമ്പടി പിന്‍വലിക്കേണ്ടതാണ്. എട്ടരയോഗത്തിലെ അരപ്പട്ടത്തിെന്‍റ അവകാശി സര്‍ക്കാരായതിനാല്‍ ആ സ്ഥാനത്തേക്ക് ഒരുദ്യോഗസ്ഥനെ അവിടെ നിയോഗിക്കാം. തിരുവിതാംകൂര്‍ ദേവസ്വംബോര്‍ഡിലെ ഒരു ഉയര്‍ന്ന ഉദ്യോഗസ്ഥനെ ആ സ്ഥാനത്തേക്ക് നിയോഗിക്കാവുന്നതാണ്. ഉത്രാടം തിരുനാള്‍ മാര്‍ത്താണ്ഡവര്‍മക്ക് ആസ്ഥാനം അവകാശപ്പെടാന്‍ അധികാരമില്ല. അദ്ദേഹം രാജകുടുംബത്തിലെ മൂത്തകാരണവരായിരിക്കാം. പക്ഷേ അതുകൊണ്ട് ക്ഷേത്ര ഭരണത്തില്‍ പങ്കാളിയാകാന്‍ അധികാരം ലഭിക്കുന്നില്ല. അതിനാല്‍ത്തന്നെ ക്ഷേത്രത്തിെന്‍റ നിലവറകളുടെ താക്കോല്‍ തൊടാനോ ദേവപ്രശ്നം വച്ച് നിയമവാഴ്ചയെ തകിടംമറിക്കാനോ അധികാരമില്ല. ഒരു ഭക്തനുള്ള എല്ലാ അവകാശങ്ങളും അദ്ദേഹത്തിനുണ്ടാവുകയും ചെയ്യും. ജനാധിപത്യവും ആചാരങ്ങളും രാജാധിപത്യം പോയി ജനാധിപത്യം വന്നിട്ടും പലര്‍ക്കും അക്കാര്യം ബോധ്യമായിട്ടില്ല.

ജനാധിപത്യം നിലനില്‍ക്കുന്നത് ഭരണഘടനയുടെ അടിസ്ഥാനത്തിലാണ്. തെരഞ്ഞെടുപ്പിലൂടെയാണ് വ്യക്തികള്‍ അധികാരസ്ഥാനത്തെത്തുന്നത്. അവര്‍ അധികാരികളായി തുടരുന്നിടത്തോളം കാലം ഭരണഘടനാതത്വങ്ങളും ചട്ടങ്ങളും പാലിക്കാന്‍ ബാധ്യസ്ഥരാണ്. അവരുടെ ജാതിയും മതവും ആചാരങ്ങളും അതിനു തടസ്സമാവാന്‍ പാടില്ല. അതേസമയം അധികാരപദവിയിലിരുന്നുകൊണ്ട് ജാതി - മതാചാരങ്ങള്‍ നിര്‍വഹിക്കാനും പാടില്ല. അങ്ങിനെ ചെയ്താല്‍ മറ്റു വിഭാഗങ്ങളില്‍പ്പെടുന്നവര്‍ക്ക് ഈ അധികാരസ്ഥാനത്തോടുള്ള ബഹുമാനം കുറഞ്ഞുപോകും. ചിലപ്പോള്‍ ശത്രുതവന്നുവെന്നും വരാം. ജനാധിപത്യപരമായി തെരഞ്ഞെടുപ്പിലൂടെ അധികാരത്തിലെത്തുന്നവരില്‍ പലരും തങ്ങളുടെ ബോധത്തെ ജനാധിപത്യവല്‍ക്കരിച്ചതായി കാണുന്നില്ല. അവര്‍ ഹിന്ദുവോ മുസ്സല്‍മാനോ ക്രിസ്ത്യാനിയോ ആയി ചുരുങ്ങിപ്പോകുന്നതായി കാണാം. ഭൗതികമണ്ഡലം ജനാധിപത്യപരമാണെങ്കിലും ആശയമണ്ഡലം ജാതി-മതബോധത്താലും തദനുസൃതമായ ആചാരാനുഷ്ഠാനങ്ങളാലും ബന്ധിക്കപ്പെട്ടിരിക്കുകയാണ്. ഇന്ത്യന്‍ ഭരണഘടന നിലവില്‍ വന്നയുടനെ രാഷ്ട്രപതിയായി തെരഞ്ഞെടുക്കപ്പെട്ടത് ഡോ. രാജേന്ദ്ര പ്രസാദ് ആയിരുന്നു. ഗുജറാത്തിലെ സോമനാഥ ക്ഷേത്രത്തില്‍ പുതിയതായി പണിതീര്‍ത്ത ഗോപുരകവാടത്തിെന്‍റ അനാച്ഛാദനത്തിന് ഭാരവാഹികള്‍ രാഷ്ട്രപതിയെ ക്ഷണിച്ചു. കുലപതി കെ എം മുന്‍ഷിയുടെ നേതൃത്വത്തിലായിരുന്നു അതിന്റെ നിര്‍മാണം നടന്നിരുന്നത്. രാഷ്ട്രപതി ക്ഷണം സ്വീകരിച്ച് പോകാന്‍ തയ്യാറായി. എന്നാല്‍ പ്രധാനമന്ത്രിയായിരുന്ന നെഹ്റു അതിനെ എതിര്‍ത്തു. മതനിരപേക്ഷ രാഷ്ട്രമായ ഇന്ത്യയുടെ ഭരണാധികാരി ഒരു ഹിന്ദു ക്ഷേത്രത്തിെന്‍റ ചടങ്ങിന് പോകുന്നത് അനുചിതമാണെന്നായിരുന്നു നെഹ്റുവിെന്‍റ വാദം.

അര്‍ത്ഥ ശാസ്ത്രപരവും ദാര്‍ശനികവുമായ കുറിപ്പുകള്‍ (മാര്‍ക്സിസ്റ്റ്‌ ക്ലാസ്സിക്കുകള്‍ - ഇ.എം.എസ്.

2010-09-28T23:56:00.004+05:30

ജര്‍മ്മന്‍ ദര്‍ശനത്തിലൂടെ വളര്‍ന്നുവന്ന് ഇംഗ്ളീഷ് തൊഴിലാളിവര്‍ഗ്ഗവുമായി ബന്ധപ്പെട്ടിട്ടാണല്ലോ എംഗല്‍സ് തൊഴിലാളിവര്‍ഗ്ഗ വിപ്ളവകാരിയായത്. അതുപോലെ മാര്‍ക്സിന്റെ ജീവിതത്തിലും ഫ്രഞ്ച് വിപ്ളവപ്രസ്ഥാനം, ഫ്രാന്‍സിലെ തൊഴിലാളിവര്‍ഗ്ഗ സംഘടനകള്‍, ഫ്രാന്‍സില്‍ പ്രചാരത്തിലിരുന്ന സോഷ്യലിസ്റ്റാശയങ്ങള്‍ എന്നിവയുമായി ബന്ധപ്പെട്ടിട്ടാണ് തൊഴിലാളിവര്‍ഗ വിപ്ളവകാരിയിലേക്കുള്ള മാറ്റം സംഭവിച്ചത്.
അതിന്റെ ഫലമായി, 1844-ല്‍ എംഗല്‍സിന്റെ "ഇംഗ്ളണ്ടിലെ തൊഴിലാളിവര്‍ഗ്ഗത്തിന്റെ സ്ഥിതി'' പുറത്തുവന്ന വര്‍ഷംതന്നെ മാര്‍ക്സിസത്തിന്റെ വളര്‍ച്ചയില്‍ അതിപ്രധാനമായ ഒരു കൃതി മാര്‍ക്സ് എഴുതി. "അര്‍ത്ഥശാസ്ത്രപരവും ദാര്‍ശനികവുമായ കുറിപ്പുകള്‍'' എന്ന പേരില്‍ 1844-ല്‍ എഴുതിയതാണെങ്കിലും പിന്നീട് എംഗല്‍സിന്റെ മുഖവുരയോടെ പ്രസിദ്ധീകരിച്ച ആ ഗ്രന്ഥം മാര്‍ക്സിസത്തിന്റെ അടിസ്ഥാന പ്രമാണമായ വര്‍ഗ്ഗസമരസിദ്ധാന്തത്തിന്റെ ആദ്യരൂപമാണെന്ന് പറയാം.
ദാര്‍ശനികരംഗത്ത് ഹെഗലിനെയും ഫൊയര്‍ബാഹിനേയും സൃഷ്ടിച്ച ജര്‍മ്മന്‍ പണ്ഡിതന്മാരെന്നപോലെ അര്‍ത്ഥശാസ്ത്രരംഗത്ത് ഇംഗ്ളീഷ് പണ്ഡിതന്മാരും
വിപ്ളവരാഷ്ട്രമീമാംസയുടെ മേഖലയില്‍ ഫ്രഞ്ച് വിപ്ളവകാരികളുമാണ് മറ്റുള്ളവര്‍ക്ക് മാര്‍ഗ്ഗദര്‍ശനം നല്‍കിയത്. അതില്‍ ജര്‍മ്മന്‍ ദര്‍ശനത്തില്‍ അവഗാഹം നേടിയതില്‍ പിന്നീട് മാര്‍ക്സ് തിരിഞ്ഞത് ഇംഗ്ളീഷ് പണ്ഡിതന്മാരുടെ അര്‍ത്ഥശാസ്ത്ര സിദ്ധാന്തങ്ങളിലേക്കും ഫ്രഞ്ച് വിപ്ളവകാരികളുടെ രാഷ്ട്രീയ ദര്‍ശനങ്ങളിലേക്കുമാണ്. ഈ മാറ്റത്തെ സഹായിക്കുന്ന വിധത്തില്‍ കുറച്ചുകാലം മാര്‍ക്സ് ഫ്രാന്‍സിന്റെ തലസ്ഥാനമായ പാരീസില്‍ ചെലവഴിച്ചു. അക്കാലത്താണ് നേരത്തെ പരാമര്‍ശിച്ച ഗ്രന്ഥം അദ്ദേഹം രചിച്ചത്.
പിന്നീട് യൂറോപ്പില്‍ നടന്ന ബൂര്‍ഷ്വാ വിപ്ളവങ്ങള്‍ക്ക്
മാതൃകയായിരുന്നുവല്ലോ 1789-ല്‍ പൊട്ടിപ്പുറപ്പെട്ട ഫ്രഞ്ച് വിപ്ളവം. അതിന്റെ പുരോഗതി സംബന്ധിച്ച സവിസ്തര പഠനം നടത്താന്‍ പാരീസില്‍ കഴിച്ച നാളുകള്‍ മാര്‍ക്സിനെ സഹായിച്ചു. ആ വിപ്ളവത്തിന്റെ ചരിത്രമെഴുതാന്‍വേണ്ട കുറെ വസ്തുതകള്‍ മാര്‍ക്സ് ശേഖരിച്ചുവയ്ക്കുകതന്നെ ചെയ്തു. പുസ്തകമെഴുത്ത് പൂര്‍ത്തിയാക്കാന്‍ കഴിഞ്ഞില്ലെങ്കില്‍പോലും ബൂര്‍ഷ്വാവിപ്ളവം എങ്ങനെ നടക്കുന്നുവെന്ന് മനസ്സിലാക്കാന്‍ ഗ്രന്ഥരചനയ്ക്കുവേണ്ടി ശേഖരിച്ച വസ്തുതകള്‍ അദ്ദേഹത്തെ സഹായിച്ചു.
1789-ല്‍ പൊട്ടിപ്പുറപ്പെട്ട ഒന്നാം ഫ്രഞ്ച് വിപ്ളവം മാത്രമല്ല 1830-ല്‍ തുടങ്ങിയ രണ്ടാം വിപ്ളവവും പിന്നീട് 1848-ലേതും മാര്‍ക്സിന്റെ പഠനത്തിന് വിധേയമായി. ഏത് വര്‍ഗ്ഗത്തിലെ ഏത് വിഭാഗം അധികാരഭ്രഷ്ടമായി. ഏതിന്റെ കൈയിലേക്ക് അധികാരം കൈമാറി. ഈ അധികാരക്കൈമാറ്റത്തിന്റെ പ്രക്രിയ എങ്ങനെ പുരോഗമിച്ചു എന്നെല്ലാം അദ്ദേഹം നിഷ്കൃഷ്ടമായി പരിശോധിച്ചു. ഈ പരിശോധനയുടെ ഫലമാണ് പിന്നീട് പ്രസിദ്ധീകരിച്ച "ലൂയി ബോണപ്പാര്‍ട്ടിന്റെ 18-ാം ബ്രൂമെര്‍'' എന്ന പ്രശസ്ത ഗ്രന്ഥം. വൈരുദ്ധ്യാത്മകമായ ഭൌതികവാദാടിസ്ഥാനത്തില്‍ ചരിത്രപ്രശ്നങ്ങള്‍ കൈകാര്യംചെയ്യുന്ന ആദ്യത്തെ ആധികാരിക മാര്‍ക്സിസ്റ്റ് ഗ്രന്ഥമെന്ന നിലയ്ക്ക് ആ ഗ്രന്ഥം സദാ ആദരിക്കപ്പെട്ടു.
എന്നാല്‍, ഒന്നും രണ്ടും മൂന്നും ഫ്രഞ്ച് വിപ്ളവങ്ങളുടെ ചരിത്രം പഠിക്കുക മാത്രമല്ല മാര്‍ക്സ് ചെയ്തത്. ഫ്രാന്‍സില്‍ പ്രവര്‍ത്തിച്ച വിവിധ വിപ്ളവ ഗ്രൂപ്പുകളും തൊഴിലാളിവര്‍ഗ്ഗ സംഘടനകളുമായി ബന്ധപ്പെടാനും തന്റെ പാരീസ് വാസക്കാലം മാര്‍ക്സ് ഉപയോഗിച്ചു. വര്‍ഗ്ഗസമര പ്രസ്ഥാനങ്ങളിലേര്‍പ്പെട്ട നിരവധി തൊഴിലാളി സംഘടനകളുമായും ഫ്രാന്‍സിലേക്കുവന്ന് പണിയെടുത്ത് ജീവിക്കുന്ന ജര്‍മ്മന്‍കാരടക്കം വിദേശീയ വിപ്ളവകാരികളുമായും അദ്ദേഹം ബന്ധപ്പെട്ടു. വിവിധ സംഘടനകളും ഗ്രൂപ്പുകളും ഉയര്‍ത്തിയ മുദ്രാവാക്യങ്ങള്‍, അവയെ ആസ്പദമാക്കി നടന്ന പ്രായോഗിക പ്രവര്‍ത്തനങ്ങള്‍ എന്നിവയുമായി താദാത്മ്യം പ്രാപിക്കാന്‍ മാര്‍ക്സിനെ ഇത് സഹായിച്ചു.
എന്നാല്‍, അന്നവിടെ പ്രവര്‍ത്തിച്ച ഗ്രൂപ്പുകളിലൊന്നിലുംതന്നെ മാര്‍ക്സ് അംഗമായില്ല. അവയെല്ലാമായി ബന്ധപ്പെടുകയും അവയോട് സഹകരിക്കുകയും ചെയ്യുമ്പോള്‍തന്നെ വിപ്ളവസിദ്ധാന്തങ്ങള്‍ക്ക് സ്വന്തമായ സംഭാവനകള്‍ നല്‍കാന്‍ തനിക്ക് കഴിയുമെന്ന ആത്മവിശ്വാസത്തോടെ തന്റെ സ്വതന്ത്രവ്യക്തിത്വം മാര്‍ക്സ് നിലനിര്‍ത്തി.
ഇത് മാര്‍ക്സിനെ അര്‍ത്ഥശാസ്ത്രത്തിന്റെ മാര്‍ഗത്തിലേക്ക് തിരിച്ചുവിട്ടു. ഹെഗലിന്റെ ദാര്‍ശനികവീക്ഷണത്തെ വിമര്‍ശിക്കുന്നതിനിടയ്ക്ക് പൌരസമൂഹവും ഭരണകൂടവും തമ്മിലുള്ള വ്യത്യാസം സംബന്ധിച്ച് തന്റെ ആശയങ്ങള്‍ മാര്‍ക്സ് രൂപപ്പെടുത്തിയിരുന്നുവല്ലോ. അതിന്റെ സ്വാഭാവികഫലമെന്ന നിലയ്ക്ക് അര്‍ത്ഥശാസ്ത്രപഠനത്തിന്റെ ആവശ്യം മാര്‍ക്സിന് ബോധ്യപ്പെട്ടു.
പൌരസമൂഹത്തിന്റെ അന്യോന്യ ബന്ധങ്ങളില്‍ നിര്‍ണായകമാണ് സാമ്പത്തിക ബന്ധങ്ങള്‍. അവയെ പരിശോധിക്കുന്ന വിജ്ഞാനശാഖയാണ് അര്‍ത്ഥശാസ്ത്രം. അതുകൊണ്ട് പൌരസമൂഹത്തിന്റെ ജീവിതം സംബന്ധിച്ച് ശരിയായ ധാരണയുണ്ടാകണമെങ്കില്‍ അര്‍ത്ഥശാസ്ത്രപഠനം ഒഴിവാക്കാന്‍ വയ്യാത്തതാണ് എന്ന് അദ്ദേഹം കണ്ടു.
പാരീസിലായിരിക്കുമ്പോഴാണ് ഇംഗ്ളീഷ് അര്‍ത്ഥശാസ്ത്രകാരന്മാരുടെ ആദ്യ തലമുറയെ ആഡംസ്മിത്ത്, ഡേവിഡ് റിക്കാര്‍ഡോ മുതലായവരുടെ ഗ്രന്ഥങ്ങള്‍ മാര്‍ക്സ് സ്നിഷ്കര്‍ഷം പഠിച്ചത്. അവരുടെയെല്ലാം കൃതികളില്‍നിന്ന് ഒട്ടേറെ ഉദ്ധരണികളും അവ സംബന്ധിച്ച് തനിക്കുള്ള അഭിപ്രായവും മാര്‍ക്സ് രേഖപ്പെടുത്തി.
ബൂര്‍ഷ്വാ അര്‍ത്ഥശാസ്ത്രകാരന്മാരും മാര്‍ക്സും തമ്മിലുള്ള വിഭജനരേഖ വളരെ നേരിയതായിരുന്നു: ബൂര്‍ഷ്വാ അര്‍ത്ഥശാസ്ത്രത്തില്‍നിന്ന് തൊഴിലാളിവര്‍ഗ്ഗ അര്‍ത്ഥശാസ്ത്രത്തിലേക്കുള്ള മാറ്റം അതിന്റെ പ്രാരംഭദശയിലേക്കെത്തിയിട്ടേ ഉണ്ടായിരുന്നുള്ളു എന്ന് ഈ കുറിപ്പുകളില്‍ കാണാം. എങ്കിലും മാറ്റം തുടങ്ങിയിരുന്നു. ബൂര്‍ഷ്വാ അര്‍ത്ഥശാസ്ത്രകാരന്മാരെ നിശിതമായി വിമര്‍ശിച്ചുകൊണ്ടുള്ള ഒട്ടേറെ കുറിപ്പുകള്‍ മാര്‍ക്സ് എഴുതിവച്ചിട്ടുണ്ട്.
ഈ ഘട്ടത്തില്‍തന്നെ ബൂര്‍ഷ്വാ അര്‍ത്ഥശാസ്ത്രത്തിന്റെ മൌലികമായ ദൌര്‍ബല്യത്തിലേക്ക് മാര്‍ക്സ് വിരല്‍ചൂണ്ടി. ചരിത്രപരമായി രൂപംകൊണ്ടതും താല്‍ക്കാലിക സ്വഭാവത്തോടുകൂടിയതുമായ മുതലാളിത്ത സാമൂഹ്യബന്ധങ്ങള്‍ക്ക് ശാശ്വതത്വം നല്‍കുകയും അതാണ് "മനുഷ്യന്റെ നിര്‍ദ്ദിഷ്ടമായ ഗതി'' യെന്ന് ധരിക്കുകയും ചെയ്തതാണ് ആ ദൌര്‍ബല്യം. ഈ ആശയം വിപുലീകരിച്ചിട്ടാണ് അനന്തരകാലകൃതികളില്‍-വിശേഷിച്ച് "കമ്യൂണിസ്റ്റ് മാനിഫെസ്റ്റോ''വിലും "മൂലധന''ത്തിലും-മാര്‍ക്സും എംഗല്‍സും മുതലാളിത്തസമൂഹത്തിന്റെ നശ്വരസ്വഭാവം സംബന്ധിച്ച ആശയം രൂപപ്പെടുത്തിയത്.

"അര്‍ത്ഥശാസ്ത്രപരവും ദാര്‍ശനികവുമായ കുറിപ്പു''കളില്‍ ഉന്നയിക്കപ്പെട്ട ഒരു പ്രധാന ആശയമാണ് 'അന്യവല്‍ക്കരണ'മെന്ന തര്‍ജുമയിലൂടെ പ്രചാരത്തിലെത്തിയ ആശയം. അതിന്റെ വേരു കിടക്കുന്നത് ഓരോ ബാഹ്യ യാഥാര്‍ത്ഥ്യത്തിലും വിരുദ്ധശക്തികള്‍ പ്രവര്‍ത്തിക്കുന്നുവെന്ന വൈരുദ്ധ്യവാദദര്‍ശനത്തിന്റെ കാഴ്ചപ്പാടിലാണ്. ഓരോ ബാഹ്യയാഥാര്‍ത്ഥ്യവും ഒരേസമയം അതാണ്. അതിന്റെ വിപരീതവുമാണ്. ഈ രണ്ട് വിപരീതങ്ങള്‍ തമ്മിലുള്ള സംഘട്ടനത്തിലൂടെയാണ് സമൂഹം പുരോഗമിക്കുന്നത് എന്നാണല്ലോ വൈരുദ്ധ്യവാദദര്‍ശനം പഠിപ്പിക്കുന്നത്. അതിന്റെ അര്‍ത്ഥശാസ്ത്രമേഖലയിലുള്ള വിശദീകരണമാണ് വര്‍ഗസമരസിദ്ധാന്തം.
അന്യവല്‍ക്കരണം അല്ലെങ്കില്‍ വിപരീതവല്‍ക്കരണം എന്ന വൈരുദ്ധ്യദര്‍ശന കാഴ്ചപ്പാട് അര്‍ത്ഥശാസ്ത്രത്തിന്റെ മേഖലയിലേക്ക് വ്യാപിപ്പിക്കുകയാണ് മാര്‍ക്സ് ചെയ്തത്. അതിന്റെ അടിസ്ഥാനമാകട്ടെ സ്വകാര്യസ്വത്താണുതാനും.
പൌരസമൂഹത്തില്‍ വ്യക്തികള്‍തമ്മിലുള്ള ബന്ധം നിര്‍ണയിക്കുന്നത് സ്വകാര്യസ്വത്താണ്. അത് തൊഴിലിനെ അല്ലെങ്കില്‍ തൊഴിലെടുക്കുന്ന മനുഷ്യരെ അവര്‍ക്കുതന്നെ അന്യരാക്കുന്നു. അല്ലെങ്കില്‍ അവരെ വിപരീതവല്‍ക്കരിക്കുന്നു. മുതലാളിത്തസമൂഹം നിലനില്‍ക്കുന്നിടത്തോളംകാലം തൊഴിലെടുക്കുന്നവനും അയാള്‍ ഉല്‍പാദിപ്പിക്കുന്ന ചരക്കിന്റെ ഉടമയും വിപരീതങ്ങളാണ്.
തൊഴിലെടുക്കുന്നവന്റെ അധ്വാനഫലം അതുണ്ടാവുന്ന നിമിഷത്തില്‍ അയാള്‍ക്ക് അന്യമാകുന്നു; തൊഴിലെടുപ്പിക്കുന്നവന്റെ കയ്യിലെത്തുന്ന അദ്ധ്വാനഫലം തൊഴിലെടുക്കുന്നവന്റെ വിപരീതശക്തിയായി മാറുന്നു. അങ്ങനെ മുതലാളിത്തസമൂഹത്തില്‍ തൊഴിലെടുപ്പിക്കുന്നവന്റെ സമ്പത്തും എടുക്കുന്നവന്റെ ദാരിദ്യ്രവും അധികമധികം വര്‍ദ്ധിക്കുന്നു. തൊഴിലെടുപ്പിക്കുന്നവനും തൊഴിലെടുക്കുന്നവനും തമ്മിലുള്ള മൌലിക വൈരുദ്ധ്യം തൊഴിലെടുക്കുന്ന ഓരോ ദിവസവും അധികമധികം പ്രകടമാവുന്നു. ഈ വൈരുദ്ധ്യം ഇല്ലാതാവണമെങ്കില്‍ സ്വകാര്യസ്വത്തുതന്നെ ഇല്ലാത്ത സ്ഥിതി വരണം. അതിനെയാണ് സോഷ്യലിസമെന്നും കമ്യൂണിസമെന്നും വിളിക്കുന്നത്.
ജര്‍മ്മനിയിലും ഫ്രാന്‍സിലും ഇംഗ്ളണ്ടിലുമൊരുപോലെ സോഷ്യലിസത്തിന്റെയും കമ്യൂണിസത്തിന്റെയും ആശയങ്ങള്‍ ധാരാളം പ്രചരിച്ച കാലത്താണ് മാര്‍ക്സ് തന്റെ കുറിപ്പുകള്‍ എഴുതിയത്. പക്ഷേ, മറ്റ് സോഷ്യലിസ്റ്റുകാരുടെയും കമ്യൂണിസ്റ്റുകാരുടെയും ചിന്താഗതികളും മാര്‍ക്സ് രൂപപ്പെടുത്താന്‍ തുടങ്ങിയ ചിന്താഗതിയും തമ്മില്‍ മൌലികമായ വ്യത്യാസമുണ്ട്.
മറ്റുള്ളവരുടേത് സാങ്കല്‍പിക സോഷ്യലിസമായിരുന്നു. നിലവിലുള്ള സമൂഹവ്യവസ്ഥയെ നിശിതമായി വിമര്‍ശിക്കുക. അതിനുപകരം വരേണ്ട പുതിയ സമൂഹത്തെ സങ്കല്‍പിച്ചുണ്ടാക്കുക-ഇതായിരുന്നു മറ്റുള്ളവരുടെ സോഷ്യലിസവും കമ്യൂണിസവും.
മാര്‍ക്സിന്റെ കൃതിയിലാകട്ടെ, സ്വകാര്യസ്വത്ത് നിലവിലുണ്ട്. അത് വളരുംതോറും ഒരുവശത്ത് സമ്പന്നതയും മറുവശത്ത് ദാരിദ്യ്രചൂഷണങ്ങളും വളരുകതന്നെ ചെയ്യും എന്ന് ചൂണ്ടിക്കാട്ടി. ഈ വളര്‍ച്ചയുടെ സ്വാഭാവികഫലം സ്വകാര്യസ്വത്തിന്റെ അന്ത്യമായിരിക്കുമെന്ന് ചൂണ്ടിക്കാണിക്കുകയാണ് മാര്‍ക്സ് ചെയ്തത്.
സോഷ്യലിസ്റ്റ് സമൂഹം സൃഷ്ടിക്കാന്‍ നാം ആഗ്രഹിക്കുന്നു. അത് നിലവില്‍വരുത്താന്‍ നാം ശ്രമിക്കുന്നു-ഇതാണ് സാങ്കല്‍പിക സോഷ്യലിസം. നാം ആഗ്രഹിച്ചാലും ഇല്ലെങ്കിലും. മുതലാളിത്തം തകര്‍ന്ന് സോഷ്യലിസം രൂപംകൊള്ളും. അത് അനിവാര്യമാണ്-ഇതാണ് ശാസ്ത്രീയ സോഷ്യലിസത്തിന്റെ അടിസ്ഥാനം. അതിന്റെ ആദ്യരൂപം മാര്‍ക്സിന്റെ 1844ലെ കുറിപ്പുകളില്‍ കാണാം.
ഈ കുറിപ്പുകള്‍ മാര്‍ക്സ് എഴുതിവെച്ച കാലത്തുതന്നെയാണ് എംഗല്‍സ് "ഇംഗ്ളണ്ടിലെ തൊഴിലാളിവര്‍ഗത്തിന്റെ സ്ഥിതി'' എന്ന പ്രശസ്ത കൃതി രചിച്ചതെന്നോര്‍ക്കുക. ചൂഷണത്തിനിരയാകുന്ന ഒരു വര്‍ഗമെന്ന നിലയ്ക്ക് മാത്രമല്ല എംഗല്‍സ് ഇംഗ്ളീഷ് തൊഴിലാളിവര്‍ഗ്ഗത്തിന്റെ ചിത്രം വരച്ചുകാട്ടിയത്. ചൂഷണത്തിനെതിരായ സമരങ്ങളിലൂടെ തൊഴിലാളിവര്‍ഗ്ഗം ഒരു സ്വതന്ത്ര രാഷ്ട്രീയശക്തിയായി വരുന്നതും എംഗല്‍സ് വരച്ചുകാട്ടി. ട്രേഡ്യൂണിയനുകള്‍ കോ-ഓപ്പറേറ്റീവ് സംഘടനകള്‍, ചാര്‍ട്ടിസ്റ്റ് സംഘടനപോലുള്ള രാഷ്ട്രീയ പ്രസ്ഥാനങ്ങള്‍ എന്നിവയിലൂടെ ഇംഗ്ളീഷ് തൊഴിലാളിവര്‍ഗം ഒരു സ്വതന്ത്ര രാഷ്ട്രീയശക്തിയായി വളരുകയായിരുന്നു. ഇതാണ് എംഗല്‍സിന്റെ കൃതിയുടെ പ്രാധാന്യം. മാര്‍ക്സാകട്ടെ ഇംഗ്ളണ്ടിലെന്നപോലെ ഫ്രാന്‍സിലും ജര്‍മ്മനിയിലും മുതലാളിത്തവ്യവസ്ഥ നിലവിലുള്ള ഓരോ രാജ്യത്തും തൊഴിലാളിവര്‍ഗം ഒരു സ്വതന്ത്ര രാഷ്ട്രീയശക്തിയായി വളരുമെന്ന് ചൂണ്ടിക്കാട്ടി. അതാണ് തൊഴിലാളിവര്‍ഗ്ഗത്തിന്റെ അന്യവല്‍ക്കരണമെന്ന മാര്‍ക്സിന്റെ സിദ്ധാന്തം സ്ഥാപിച്ചത്. അതിന്റെ വളര്‍ച്ചയെത്തിയ രൂപമാണ് കമ്യൂണിസ്റ്റ് മാനിഫെസ്റ്റോവിലെ ഒരു പ്രസിദ്ധ വാചകം. "വിപ്ളവം നടക്കുന്നതിനാവശ്യമായ വസ്തുനിഷ്ഠ സാഹചര്യം മാത്രമല്ല അത് നടത്താനുള്ള സജീവ രാഷ്ട്രീയശക്തിയെ (തൊഴിലാളിവര്‍ഗത്തെ)കൂടി മുതലാളിത്തം സൃഷ്ടിക്കുന്നു.''
(ചിന്ത വാരികയില്‍ നിന്നും എടുത്തു ചേര്‍ത്തത്..)

ഒന്ചിയത് ഒലിച്ചു പോയ പാര്‍ട്ടി

2010-02-08T15:37:00.009+05:30

ഒന്ചിയത് ഒലിച്ചു പോയ പാര്‍ട്ടിയുടെ ഒരു കുടുംബ സംഗമം. അതും പാര്‍ട്ടിയ്ക്ക് ഏറ്റവും നഷ്ടം സംഭവിച്ചു എന്ന് കരുതിയ സ്ഥലത്ത്! കളവുകള്‍ നട്ടാല്‍ പത്രത്തില്‍ മുളയ്ക്കും.. നാട്ടില്‍ മുളയ്ക്കില്ല.. ഒരു തെരഞ്ഞെടുപ്പു തോല്‍വി കൊണ്ട് ഒന്നും സംഭവിക്കില്ല... പ്രായ, മത, ജാതി, ജോലി ഭേദമെന്യേ ഇവര്‍ ഞങ്ങളോടൊപ്പം ഉള്ളപ്പോള്‍, ഞങ്ങള്‍ അജയ്യരാണ്! ഇവരാണ്, ഇവര്‍ തന്നെയാണ്, ഞങ്ങളുടെ ശക്തി!

ആദ്യ ചുവരെഴുത്ത്...

2009-03-12T11:32:00.001+05:30

ഹിന്ദുത്വ ഫാസിസ്റ്റുകള്‍ക്ക് എതിരെ , മതേതരത്വത്തിന് വേണ്ടി...
അമേരിക്കയ്ക്ക് ഇന്ത്യയെ അടിയറ വെക്കുന്ന കൊണ്ഗ്രെസ്സ് നയങ്ങള്‍ക്ക് എതിരെ...
ബദല്‍ സാമ്പത്തിക നയത്തിന് വേണ്ടി ..
ഇടതുപക്ഷ ജനാധിപത്യ മുന്നണിയെ വിജയിപ്പിക്കുക..
LDF ന്റെ വിജയത്തിന് വേണ്ടി പറയുക.. പ്രവര്‍ത്തിക്കുക

കാലം മാറിയത് സഭ അറിയണം..

2008-09-18T10:39:00.000+05:30

ചിന്ത വാരികയില്‍ വന്ന സി.പി.നാരായണന്റെ ലേഖനം വായിക്കുക.
ഇവിടെ - കാലം മാറിയത് സഭ അറിയണം..

ഇതൊന്നു കണ്ടുനോക്കൂ..

2008-08-29T18:20:00.004+05:30

സ്വതന്ത്ര സോഫ്റ്റ്‌വെയര്‍ പ്രസ്ഥാനത്തിന്റെ ആചാര്യന്‍ റിച്ചാര്‍ഡ് സ്റ്റാള്‍മാന്റെ വെബ് സൈറ്റ് ല്‍ കണ്ട ഒരു കാര്‍ടൂണ്‍.. കോപ്പി റൈറ്റ് സംബന്ധിച്ച് അടിയില്‍ കൊടുത്ത കുറിപ്പ് പ്രത്യേകം ശ്രദ്ധിക്കുക..
ചിത്രത്തില്‍ ക്ലിക്കിയാല്‍ വലുതായി കാണാം..

പാവം സംഘ പരിവാര്‍..

2008-08-26T18:00:00.006+05:30

അവര്‍ ആംബുലന്‍സുകള്‍ ഓടിക്കുന്നു.. അവര്‍ നഗരം ശുചിയാക്കുന്നു.. അവര്‍ അപകടത്തില്‍ പെട്ടവരെ രക്ഷപ്പെടുത്തുന്നു.. അവര്‍ അമ്പലങ്ങളില്‍ സ്വയം സേവനം നടത്തുന്നു.. അവര്‍ ദയാലുക്കള്‍ ആണ്.. കാക്കി ട്രൌസര്‍ ഇട്ട മാലാഖമാര്‍ ആണ് അവര്‍.. സാധുജന സേവനത്തിന്റെ ഉദാത്ത മാതൃക.. ബാക്കിയെല്ലാം ഇവിടുത്തെ കപട മതെതരത്വക്കാര്‍ പറഞ്ഞുണ്ടാക്കുന്നത്.. ഓം കാളീ.. ഭദ്ര കാളീ.. ആ വിളിക്കുതന്നെ എന്തൊരു ഭംഗിയാണ്.. ആ മൂന്നറ്റം കൂര്‍ത്ത ശൂലം കണ്ടാല്‍ തന്നെ കെട്ടിപ്പിടിക്കുവാന്‍ തോന്നും.. സാഹോദര്യത്തിന്റെ ആ രാഖിച്ചരടുണ്ടല്ലോ.. ഒന്നു കയ്യില്‍ കിടക്കുന്നത് തന്നെ ഒരു അഭിമാനം.. ഭാരത മാതാ കീ ജയ്..

അതെ, ഒറീസ്സയിലേക്ക് പോകുന്ന വഴിയാണ്.. ഹിന്ദു രാഷ്ട്രത്തിലേക്ക് ചില പരീക്ഷണങ്ങള്‍ കൂടെയുണ്ട്.. മോഡിജിയുടെ ക്ലാസ്സുണ്ടായിരുന്നു... ഇനി പ്രാക്ടിക്കല്‍ ആണ് .. ഞങ്ങളുടെ വേദപുസ്തകം എന്തു പറയുന്നു എന്ന് അറിയേണ്ടേ? ഇവിടെ വായിക്കൂ.. കോള്‍മയിര്‍ കൊള്ളൂ..

ഇപ്പോള്‍ ഒരു വാര്ത്ത : ഒറീസ്സയില്‍ കോണ്‍വെന്റ് ബോംബുവെച്ചു തകര്ത്തു.. മരണം 5 ആയി... ഭാരത മാതാ കീ ജയ്!! പോര.. വേഗത പോര.. മോഡിജിയുടെ ക്ലാസ് ഏറ്റില്ലേ? ഒരു അന്പതെന്കിലും മരിക്കേണ്ട സമയമായി.. വേഗം ചെല്ലട്ടെ.. ഓം കാളീ..

ഭൂലോക പിന്തിരിപ്പന്‍ മൂരാച്ചി..

2008-08-22T16:22:00.002+05:30

ഈ ബൂലോകത്തിലെ വലതുപക്ഷ പിന്തിരിപ്പന്‍ മൂരാച്ചികള്‍ക്ക് ചുവപ്പ്, സഖാവ്, പാര്‍ട്ടി, സംഘടന, സമരം, വിപ്ലവം, നല്ല നാളെ തുടങ്ങിയ 'അശ്ലീല' വാക്കുകള്‍ ഇടയ്ക്കിടെ കേള്പ്പിച്ചുകൊടുക്കുവാനും അവരെ പ്രകോപിപ്പിച്ചു നല്ല നല്ല കമന്റുകള്‍ വാങ്ങിക്കൂട്ടുവാനും വേണ്ടി ഒരു ചുവപ്പന്‍ ബ്ലോഗ് 'സഖാവ്' എന്ന പേരില്‍ ഞാന്‍ തുടങ്ങിയിരിക്കുന്നു. എന്നാല്‍ ബ്ലോഗന്‍മാരെക്കാള്‍ വലിയ പിന്തിരിപ്പനാണ്‌ തങ്ങള്‍ എന്ന് പ്രഖ്യാപിച്ചുകൊണ്ട് കുത്തക അഗ്രിഗേറ്റര്‍മാരൊന്നും 'സഖാവിനെ' കണ്ടതായി നടിച്ചില്ല.. അല്ലെങ്കിലും ഞങ്ങള്‍ക്ക് നിങ്ങള്‍ ഒരിക്കലും പരിഗണന തന്നിട്ടില്ലല്ലോ.. ആ പിന്തിരിപ്പന്മാര്‍ ബ്ലോഗില്‍ എന്തെഴുതിയാലും രണ്ടു തവണയൊക്കെ അഗ്രിഗേറ്റര്‍ മൂരാച്ചി ലിസ്റ്റ് ചെയ്യാറുണ്ട് .. ഇതിലൊന്നും ഞാന്‍ തളരാന്‍ പോവുന്നില്ല.. ഒരു നല്ല നാളെ വരും.. അന്ന് ഈ അഗ്രിഗേറ്റര്‍മാര്‍ എന്റെ പോസ്റ്റായി കാത്തിരിക്കും..

എന്റെ ഹൃദയപക്ഷം

2008-08-20T16:27:00.000+05:30

ജന്മം കൊണ്ടു ഇടതുപക്ഷക്കാരനല്ല, അതായത്, ഇടതുപക്ഷം എന്റെ മതമല്ല..
എന്നാല്‍, നാളെയെ പറ്റി എനിക്കൊരു സ്വപ്നമുണ്ട്..
മനോഹരമായ ഒരു സ്വപ്നം..
അതുകൊണ്ട് ഞാന്‍ ഇടതുപക്ഷത്തെ ഹൃദയപക്ഷം എന്ന് വിളിക്കുന്നു..
ചട്ടക്കൂടുകള്‍ക്കു ഉപരിയായി ഈ പക്ഷം എന്റെ അന്തരീക്ഷത്തില്‍ പരന്നുകിടക്കുന്നു..
എങ്ങിനെയൊക്കെ പിന്തിരിയേണ്ടി വന്നാലും, ഒരു ജനതയ്ക്ക്
ആത്യന്തികമായി മുന്നോട്ടു പോയെ ഒക്കൂ..
ഇടറാതെ, അശുഭാപ്തി വിശ്വാസത്തിന്റെ കാവല്ക്കാരാകാതെ,
നമ്മുടെ ജീവിതത്തെ മൂടുന്ന ഈ കറുത്ത കരിമ്പടം
കുടഞ്ഞെറിഞ്ഞു നമുക്കു മുന്‍പോട്ടു പോകണം..
എനിക്കറിയാം, നമുക്കു നല്ലതില്‍നിന്നും വിട്ടുനില്‍ക്കാന്‍ കഴിയില്ല..
അതുകൊണ്ടല്ലേ, നമ്മള്‍ മനുഷ്യരായത്..
നിങ്ങളുടെ കൈയ്യില്‍ ഞാന്‍ എന്റെ കൈ ചേര്‍ത്തുവെക്കുന്നു..